Сурияни енгган Жанубий Корея Ўзбекистондан 4 очкога илгарилаб кетди

ЖЧ–2018 турнирига саралаш босқичи А гуруҳи 7-турида Жанубий Корея терма жамоаси ўз майдонида Сурия вакилларини қабул қилди.

Сеул шаҳридаги World Cup Stadium майдонида бўлиб ўтган ўйинда майдон эгалари Хонг Жёнг-Хо томонидан учрашувнинг 4-дақиқасида урилган ягона гол эвазига ғалаба қозонди.

Жанубий Корея мазкур ғалабадан кейин очколари сонини 13тага етказиб олди ва иккинчи ўринни сақлаб қолди. Ули Штилеке шогирдлари эндиликда Ўзбекистондан 4 очкога илгарилаб кетган. Сурия 8 очко билан тўртинчи поғонада қолди.

ЖЧ–2018 саралаши, 7-тур
Сеул, Жанубий Корея
28 март, сешанба  

Жанубий Корея – Сурия 1:0 

Гол: Хонг Жёнг-Хо (4)

Огоҳлантиришлар: Сан-Тае (90+2) – Мардикян (90)