Индонезияда ўпирилиш оқибатида 20 нафар инсон бедарак йўқолди

Индонезияда шанба, 1 апрель куни юз берган ўпирилиш оқибатида йигирма нафардан ортиқ инсон бедарак йўқолди. Бу ҳақда Associated Press хабар бермоқда.

Фавқулодда ҳодиса Ява оролида рўй берди, ўпирилиш Шарқий Ява вилоятидаги Баранар қишлоғи яқинида содир бўлган.

Натижада 30га яқин уй-жой, бошқа бинолар ва транспорт воситалари зарар кўрди. Индонезия табиий офатлар таҳдидини камайтириш бўйича агентлиги маълумотига кўра, ўпирилиш остида 27 киши қолиб кетган.

Шу билан бирга, маҳаллий армия бошлиғи маълумотига кўра, бедарак йўқолган кишилар сони 38 инсонга тенг. Уларни қутқарувчилар, аскарлар ва кўнгиллилар қидирмоқда.