WikiLeaks МРБ махфий ҳужжатларининг янги тўпламини эълон қилди

Махфий маълумотларни эълон қилиш билан шуҳрат қозонган WikiLeaks сайти Vault 7 номли навбатдаги махфий маълумотлар тўпламини эълон қилди. Улар АҚШ Марказий Разведка бошқармаси (МРБ)га тегишли экани айтилмоқда. 

МРБнинг аввалги ҳужжатлари тўплами Marble ("Мармар") деб номланган бўлиб, 31 мартда сайтга жойлаштирилганди. 

Сайт ходимларига кўра, ушбу ҳужжатларнинг янги қисми Grasshopper ("Чигиртка") деб номланган бўлиб, МРБнинг шу номдаги дастурига доир 27та ҳужжатни мужассамлаштирган.  МРБнинг Grasshopper дастури Microsoft компаниясининг Windows дастурий таъминоти учун зарарли дастурларни ишлаб чиқишни кўзда тутади. Қайд этилишича, ушбу компьютер дастурлари йирик антивирус дастурлар, хусусан, "Лаборатории Касперского" томонидан ҳам аниқланмайди.