Трамп Си Цзиньпинга Кореядаги РҚМ тизимлари бўйича қарашини билдирди

АҚШ президенти Дональд Трамп ХХР раиси Си Цзиньпинга Жанубий Кореяда ракета ҳужумларига қарши мудофаа тизимлари жойлаштирилиши бўйича Вашингтон қарашини билдирди. Ёнхап агентлигига кўра, Дональд Трамп бу ҳақда Корея республикаси муваққат президенти Хван Гё Ан билан телефон орқали суҳбатида маълум қилган. 

"Трампнинг айтишича, Шимолий Кореянинг жиддий ядро муаммолари хусусида ва уларга қарши қандай йўл тутишга доир батафсил музокаралар ўтказилган", - дейилади Корея муваққат президенти девони хабарида. "Трамп Хитойга Кореяда Американинг илғор ракеталарга қарши тизимларини жойлаштириш бўйича қарашини билдирган". 

Бундан ташқари, АҚШ президенти олий даражадаги Америка-Хитой учрашувида Жанубий Кореянинг КХДР муаммосига нисбатан юритаётган сиёсатини қўллаб-қувватлашини билдирган.