Формула-1’нинг икки карра чемпиони ва Американинг «Инди 500» нуфузли пойгаси ғолиби Эмерсон Фиттипальди томонидан асос солинган Fittipaldi Motors компанияси ҳар бири қиймати 1,5 миллион доллар бўлган 39та суперкарларни чиқаради. Бу ҳақда Automotive News нашри ёзмоқда.
Fittipaldi Motors суперкари жорий йилнинг март ойида Женева автосалонида илк бора намойиш этилганди. Автомобиль дизайни Pininfarina ательеси томонидан ишлаб чиқилган бўлса, муҳандислик ишлари Mercedes-Benz компаниясининг шериги саналган HWA фирмаси томонидан бажарилди.
Трекларга мўлжалланган кабронли купе 600-кучли саккиз цилиндли 4,8 литр ҳажмга эга мотор ва олти поғонали секвентал трансмиссия билан жиҳозланади. Автомобиль оғирлиги минг килограммга тенг. Динамик тафсилотлар келтирилмаган.
Автомобиль HWA’нинг Штутгартдаги корхонасида йиғилади. Ҳар бир машина турлича безатилади – ранглар қайтарилмайди.
