Санкт-Петербургда бир неча автомобиль қайноқ сувга шўнғиди

Санкт-Петербургнинг Сергей Есенин кўчаси ҳудудидаги ҳовлилардан бирида тўхтаб турган ўнлаб автомобиль қайноқ сув оқими исканжасида қолди, икки автомобиль эса ерда пайдо бўлган қайноқ сувли кўлмакка ғарқ бўлган.

Гувоҳларнинг фикрича, фавқулодда ҳолатга "Иссиқлик энергетика комплекси" давлати унитар корхонаси томонидан тажриба ишлари олиб борилаётган чоғда сув қувурининг ёрилиб кетиши сабаб бўлган. "ДТП и ЧП Санкт-Петербург" ҳамжамияти томонидан олинган суратларга кўра, қайноқ сув фаввораси асфальтни ёриб отилаётгани тасвирланган. Тез орада иссиқ сув ён атрофдаги ҳовлиларгача бостириб борган. Воқеа 11 апрель, сешанба куни маҳаллий вақт билан 18:00 атрофида рўй берган.