Европа тикланиш ва тараққиёт банки Киевга 1 млрд евро ажратишга тайёр

Европа тикланиш ва тараққиёт банки (ЕТТБ) жорий йилда Украинага иқтисодий ривожланиш эҳтиёжларига 0,5 млрд евродан 1 млрд еврогача маблағ ажратишга тайёр. Бу ҳақда ЕТТБ президенти Сума Чакрабарти маълум қилди. 

"1 млрд евро инвестиция ажратилиши учун 2-3 та катта лойиҳа ишга туширилиши керак. Бироқ бу лойиҳаларнинг барчаси йил охиригача бошланишига ишончим комил эмас. Аммо имкониятлар бор", деб айтган Чакрабарти.

Мутахассис пуллар сармоя қилинадиган асосий йўналишлар орасида энергетика ва энергия самарадорлик, агробизнес ва банк-молия секторини айтиб ўтди. 

Чакрабартининг айтишича, ЕТТБ ўтган йил Украинага 0,5 млрд евро, 2014-2015 йилларда эса 2,2 млрд евро ажратган.