Хитойлик сайёҳ гепард ҳамласидан аранг қутулиб қолди (видео)

ЖАРда гепард хитойлик аёл сайёҳга ҳамла қилиб қолди. Воқеа маҳаллий қўриқхоналардан бирида юз берган, деб хабар бермоқда Daily Mail нашри.

Ёш гепард макаолик Пегги Лио исмли талаба қизнинг орқасидан писиб келиб унга ҳамла қилган. Сўнгра гепард ўз "ўлжасининг" томоғидан тишламоқчи бўлган. Қизга қўриқхона ишчилари ёрдамга ошиқишган. Улар қизга ҳиппа ёпишган гепардни ҳайдаб юборишга муваффақ бўлишган. Қиз бир нечта тирнаш жароҳатлари олган.