Лавров: “Замонавий сиёсатда қоида деган нарсанинг ўзи йўқ”

Россия ташқи ишлар вазири Сергей Лавровнинг фикрича, ҳозирги кунда халқаро муносабатлардаги вазият “совуқ уруш” пайтидан ҳам оғирроқ экан.

"Албатта, ҳозир оғирроқ... Ўша пайтда икки империя: Ғарбий ва Советлар бор эди. Уларнинг ҳар бири рақиб билан учинчи мамлакатлар ҳудудида можаролар келтириб чиқаришга уринган. Бироқ ҳеч қачон ўз чегараси яқинида ва тўғридан-тўғри бу иш қилинмаган. Ҳаттоки баёнотлар ҳам анча юмшоқроқ бўлганди. Ўшанда ҳар икки лагерь белгиланган чизиқни кесиб ўтмаган. Бугунги кунда эса бундай қоидалар бошқа йўқ", - дея вазирнинг сўзларини келтирган Esquire журнали.

Шу билан бирга, Россия ташқи сиёсат идораси раҳбарининг айтишича, у ва АҚШ давлат котиби Рекс Тиллерсон муносабатларни бир маромга келтиришнинг уддасидан чиқишди, ҳамда унинг таъкидлашича, барча давлат котиблари билан “яхши муносабатларда” бўлган. Лавровнинг тан олишича, турли давлат дипломатлари бир-бирларига қарши кескин гаплар айтиши мумкин, кейин эса улар шахсий мавзуларда бемалол мулоқотга кириша олади.