Ўзбекистоннинг учинчи боксчиси ҳам Осиё чемпионатида ғалаба қозонди

Фото: Sports.uz

“Ўзбекистон” спорт мажмуасида бокс бўйича катталар ўртасида 29-Осиё чемпионатининг иккинчи кунги жанглари давом этмоқда. Унда 64 кг вазн тоифасида рингга кўтарилган ҳамюртимиз, Андижон бокс мактаби вакили Иқболжон Холдоров ҳиндистонлик Ашишга қарши жанг олиб борди.

1997 йилда туғилган ёш спортчимиз, ҳакамларнинг якдил қарорига кўра, Ашишни мағлуб этди.

Эслатиб ўтамиз: бундан олдин 56 кг вазн тоифасида иштирок этаётган ҳамюртимиз, Рио-2016 бронза медали совриндори Муроджон Аҳмадалиев рингга кўтарилиб, туркманистонлик спортчи Мурадов Шодликмуродни нокаутга учратган эди.

Ушбу мусобоқа 30 апрель – 7 май кунлари давомида ўтказилади.