АҚШнинг Портленд шаҳрида тартибсизликлар юз берди

Фото: AP

АҚШнинг Портленд шаҳрида (Орегон штати) 1 май намойишлари вақтида тартибсизликлар юз берди. Қоидабузарлар полиция машинасига ўт қўйишган, полициячиларга тошлар, тутун шашкалари ва "Молотов коктейллари" улоқтиришган, деб хабар бермоқда ТАСС ахборот агентлиги.

Ҳуқуқ-тартибот идораларида кўплаб вайронагарчилик ҳолатлари юз бергани маълум қилинган. Полиция орасида жароҳатланганлар борлиги борасида аниқлик киритилмаган.

Бир неча безорилар қўлга олинган. ОАВ маълумотларига кўра, камида 9 киши ҳибсга олинган.

Намойишларда бир қатор сиёсий кучлар вакиллари иштирок этишган. Намойишчилар АҚШ миграция сиёсатига қарши чиқишган ҳамда ишчилар шароитларининг яхшиланишини талаб қилишган.