AQShning Portlend shahrida (Oregon shtati) 1 may namoyishlari vaqtida tartibsizliklar yuz berdi. Qoidabuzarlar politsiya mashinasiga o‘t qo‘yishgan, politsiyachilarga toshlar, tutun shashkalari va "Molotov kokteyllari" uloqtirishgan, deb xabar bermoqda TASS axborot agentligi.
Huquq-tartibot idoralarida ko‘plab vayronagarchilik holatlari yuz bergani ma'lum qilingan. Politsiya orasida jarohatlanganlar borligi borasida aniqlik kiritilmagan.
Bir necha bezorilar qo‘lga olingan. OAV ma'lumotlariga ko‘ra, kamida 9 kishi hibsga olingan.
Namoyishlarda bir qator siyosiy kuchlar vakillari ishtirok etishgan. Namoyishchilar AQSh migratsiya siyosatiga qarshi chiqishgan hamda ishchilar sharoitlarining yaxshilanishini talab qilishgan.