Сурия чегарасида катта миқдорда АҚШ ва Иордания зирҳли техникаси пайқалди

Фото: Русская весна / Twitter

Сурия чегарасида АҚШ ва Иорданиянинг зирҳли техникаси пайқалди. Бу ҳақда Суриядаги разведка хизматларидаги манбага иқтибос келтирган ҳолда "Русская весна" нашри хабар бермоқда.

Сурия разведкасининг дрони Сурия чегарасида катта миқдорда ҳарбий техника тўпланганини қайд қилган. ОАВ маълумотларига кўра, Сурия қуролли кучлари Хомс вилояти яқинида жойлашган Иорданиядаги ҳарбий базада 400 га яқин ҳарбий техника жойлаштирилгандан кейин юқори тайёргарлик ҳолатида турибди.

Сурия ҳукумат қўшинлари Иордания ва АҚШ гўёки ИШИД жангарилари билан кураш олиб бораётган "Озод Сурия армияси" жангариларига ёрдам бериш баҳонаси остида Сурияга бостириб кириши мумкинлигидан хавотирланмоқда.

Тайёрлаган: Шуҳрат Раҳимов

#АҚШ #зирҳли техника #Иордания #Сурия чегараси