Петербургда Ўзбекистон фуқаросига ҳужум қилишди

9 май куни кечки пайт Санкт-Петербург шаҳридаги «Улица Дыбенко» метро бекати ёнида нохуш ҳодиса юз берди – номаълум шахслар Ўзбекистон фуқаросига ҳужум қилишди.

Жабрланган шахс турли тан жароҳатлари билан касалхонага етказилди. Маълумотларга кўра, 9 май куни «Улица Дыбенко» метро бекати ёнида соат тахминан 4:00ларда номаълум шахслар 25 ёшли ўзбекистонликка ҳужум қилган.

Жабрланган бош мия оғир жароҳати, эпидурал гематома, пешона соҳаси жароҳати, бош мия очиқ жароҳати, пешона соҳаси суягининг чап томони очиқ синиши ташхиси билан касалхонага етказилди. Айни дамда у Невск тумани касалхонасида тиббиёт ходимлари назоратида.

Ҳодиса тафсилотлари аниқлаштирилмоқда.