«Арсенал» кучли ҳимоячини текинга қўлга киритди

Фото: twitter.com/@Squawka

«Шальке» ҳимоячиси Сеад Колашинац фаолиятини «Арсенал»да давом эттиради. Бу ҳақда Sky Sports хабар тарқатди.

Босния ва Герцеговина терма жамоасининг 23 ёшли ҳимоячиси жамоаси билан шартномаси муддати тугаши туфайли 1 июль куни эркин агент сифатида лондонликлар клуби сафига ўтади.

Бундан олдинги хабарларда «Арсенал» Колашинацга ҳафтасига 140 минг евро тўлашни назарда тутувчи шартнома таклиф этгани айтилганди.

Колашинацга «Милан» ва «Манчестер Сити» жамоалари ҳам талабгор эди.