Арсен Венгернинг «Арсенал» жамоаси бош мураббийлигида қолиш-қолмаслиги масаласи жамоанинг Англия Кубоги финалидаги учрашувидан кейин ҳал бўлади.
«Арсенал» бош мураббийи «Челси»га қарши кечадиган финал учрашуви арафасида бир қанча саволларга жавоб қайтарган.
«Йўқ, мен ўзимнинг келажак учун режаларимни ошкор эта олмайман. Ҳозир энг муҳими – Англия Кубоги финалида муносиб ўйин кўрсатиш. Шу ўйиндан кейингина биз олдиндаги режаларни эълон қилишимиз мумкин. Исталган ҳолатда мен «Арсенал» учун хизмат қиламан.
«Челси» билан ўйиндан кейин директорлар кенгаши мажлиси чақирилади, унда биз баъзи футболчилар масаласини муҳокама қиламиз. Шунингдек, менинг масаламни ҳам. Бу футболчилар Санчес ва Ўзилми? Бу ерда мен сизга ҳеч нарса демаслигим керак. Эҳтимол, қачондир мен шу кунларда аслида қандай ишлар бўлаётганини журналистларга айтарман. Мен ҳозир футболчилар бошқа нарсага чалғимаслигини истайман. Сиз ўзингиз кўриб турибсизки, Месут ва Алексис ўз ишини қилишда давом этмоқда. Улар ўзларини «Арсенал»ни шу ёзда тарк этадиган каби тутишмаяпти», – дея Венгернинг сўзларини келтирган Sky Sports.
Бундан аввалроқ «канонирлар» ҳимоячиси Начо Монреаль клуб франциялик мураббийга янги шартнома таклиф этгани ҳақида хабар берганди.
ОАВда ёзилишича, Санчас ва Ўзил маошларини ошириш шартини қўймоқда. Шу билан биргаликда уларнинг иккиси ҳам Венгер клубда ишлашда давом этсагина, шартномани узайтиришларини маълум қилишган.
