ОАВ Манчестердаги портлаш ортида ким тургани ҳақида хабар тарқатди

Фото: Meduza

23 майга ўтар кечаси Манчестер шаҳридаги Manchester Arena стадионида Ариана Гранденинг концерти вақтида рўй берган портлаш худкуш террорчи томонидан амалга оширилган. Бу ҳақда NBC New York нашри АҚШдаги бир неча расмийларга асосланиб хабар тарқатди.

Reuters’нинг манбалари ҳам портлаш ортида худкуш террорчи турганини таъкидлаган.

Полиция портлаш стадион фойесида юз берганини, стадион маъмурияти эса ҳодиса «иншоотдан ташқарида, жамоат жойида» бўлганини айтмоқда.

Полиция 19 кишининг ўлимини тасдиқлади, 59 киши жароҳатланган.

Тергов ҳодисани теракт сифатида кўриб чиқмоқда. Полиция рад этувчи бошқа далиллар топилмаса, иш айнан теракт версияси сифатида қаралишини маълум қилган.