Хитой ночорлик билан курашишда ўргимчаклардан фойдаланмоқчи

Фото: NEWS.CN

Хитойнинг Хайнань орол вилояти раҳбарияти ўргимчаклар ёрдамида ночорликка қарши курашмоқчи, деб хабар берди China News Serviсe ахборот агентлиги.

Маълум қилинишича, Учжишань шаҳри атрофидаги қишлоқлардан бирининг маъмурияти тиббий мақсадларда қўллаш учун ўргимчак заҳрини ишлаб чиқарувчи ферма барпо этди. Корхона шу йўл орқали аҳолининг ночор қатламларини иш билан таъминламоқчи.

Лойиҳага инвестициялар 17 млн юанни (2,47 млн доллар) ташкил қилган.

Ўргимчак фермаси ночорлик ёқасида турган 400та маҳаллий оилага мунтазам даромад олиш имкониятини беради.