G7 етакчилари террорчиликка қарши курашиш ҳақидаги декларацияни имзолашди

"Катта еттилик" етакчилари террорчиликка қарши курашни янада юқорироқ даражага олиб чиқишмоқчи. Бу ҳақда дунёнинг саноат жиҳатдан энг ривожланган 7 та давлати – Буюк Британия, Германия, Италия, Канада, АҚШ, Франция ва Япония етакчилари саммити доирасида бўлиб ўтган ишчи сессияси якунларига кўра имзоланган Террорчилик ва қуролли экстремизмга қарши курашиш декларациясида айтилган.      

"Биз терактларни бартараф этиб, тергов қилиб, уларнинг ижрочиларини ва қўллаб-қувватлаётганларни таъқиб қилишдан чарчамай, террорчиликка қарши курашни янада юқорироқ босқичга олиб чиқмоқдамиз", деб айтилган декларацияда.

Бундан ташқари, G7 етакчилари хорижий ёлланма жангарилар билан курашиш бўйича умумий ёндашувни ишлаб чиқишга келишиб олишди. "Биз хорижий ёлланма жангарилар ҳарбий ҳаракатлар майдонини тарк этгач, улар билдираётган хатарларни йўқ қилиш бўйича жамоавий ёндашувга интилмоқдамиз", дейилган декларац

Европа полиция агентлиги маълумотларига кўра, Яқин Шарққа ИШИД томонда жанг қилгани кетган европаликлар умумий сони 5 мингга яқинни ташкил қилади. Улардан кўпчилиги ҳалок бўлган, бир қисми ватанларига қайтган, бироқ ярми ҳали қайтмаган ва айнан шу ҳолат "катта еттилик"да кўплаб йилларга хавфсизликка жиддий таҳдид деб аталмоқда.      

Шу билан бирга декларацияда "еттилик" давлатлари чегара хизматлари ўртасида ҳамкорликни кучайтириш мажбуриятини олиш, экстремистик ахборотнинг интернетдаги тарқалишини чеклашга уринишлар қайд қилинган.