G7 нефт захиралари: қайси давлатда қанча?

“Катта еттилик” (G7) — бу норасмий бирлашма бўлиб, унга Буюк Британия, Германия, Италия, Канада, АҚШ, Франция ва Япония киради. Янги инфографикада фавқулодда ҳолатлар учун ушбу давлатларнинг нефт захиралари кўрсатилган.

G7 давлатларининг жами стратегик нефт захиралари 1 019,4 миллион баррелни ташкил этади.

Энг катта захира АҚШга тегишли — 415,4 миллион баррел. Иккинчи ўринни Япония эгаллаган — 260 миллион баррел. Шу билан бирга, Япония деярли нефт қазиб олмайди ва эҳтиёжининг тахминан 99 фоизини импорт қилади. Умуман олганда, АҚШ ва Япония ҳиссасига G7 умумий захираларининг ярмидан кўпроғи тўғри келади.

Франция ва Германия мос равишда учинчи ва тўртинчи ўринларни эгаллаб, 120 миллион ва 110 миллион баррел захирага эга.

Италия учун инфографикада 76 миллион баррел кўрсатилган — бу қонун билан белгиланган миқдор. Аниқ амалдаги захиралар бўйича расмий маълумот очиқланмаган.

Буюк Британия Шимолий денгизда кунига тахминан 1 миллион баррел нефть қазиб олади, аммо унинг стратегик захиралари атиги 38 миллион баррелни ташкил этади.

Канада кунига тахминан 5 миллион баррел нефт ишлаб чиқаради ва дунёдаги йирик экспортчилардан бири ҳисобланади. Бироқ фавқулодда ҳолатлар учун мамлакатда стратегик захиралар мавжуд эмас.

Агар кунлик истеъмолга нисбатан баҳоланса: АҚШ захиралари — 21 кунга, Германия — 46 кунга, Япония — 74 кунга, Франция — 75 кунга етади.