КХДР етакчиси Ким Чен Ин навбатдаги ракета синовида иштирок этди. Шимолий Корея ҳарбийлари бу сафар янги ўта аниқ йўллаш тизимини синовдан ўтказди, деб хабар қилмоқда КМТА (Корея марказий телеграф агентлиги).
Шу билан бирга, хабарда синов қачон ўтказилганига ойдинлик киритилмаган. КХДР сўнгги бор 29 май куни ракета учирган эди.
Таъкидланишича, ракета "нишонни 7 метрга хато қилиб йўқ қилган". Бундан ташқари, Шимолий Корея етакчисига ўтиш тавсифлари яхшиланган янги гусеницали ўзиюрар учириш ускуналарини ҳам намойиш этишган.
Ракета учирилганидан кейин Ким Чен Ин "мудофаа саноатининг қудратини намойиш қилиш ва АҚШга янада кўпроқ "совғалар" юбориш учун муваффақият қозониш муҳимлиги"ни таъкидлаган.
29 май куни КХДР мамлакат шарқий соҳилидаги Вонсан шаҳри ҳудудидан навбатдаги баллистик ракета синовинии ўтказган эди.
У 6 дақиқа парвоз қилиб, 450 км масофани босиб ўтди. Жанубий Корея уни "Скад" туридаги ракеталарга киритди. Ракета Япониянинг иқтисодий ҳудудида Ниигата префектураси Садо оролидан 500 км, Симанэ префектураси Оки оролларидан 300 км узоқликда қулаган.
Расмий Токио бунга жавобан "АҚШ билан биргаликда Шимолий Кореянинг попугини пасайтириб туриш учун аниқ қадамлар ташланиши"ни билдирди. Сеул эса ракета синовини "БМТ ХК резолюциясини очиқ-ойдин бузиш", деб баҳолади.
