Тошкент врачлар малакасини ошириш институтига янги ректор тайинланди 

Тошкент врачлар малакасини ошириш институтига янги ректор тайинланди. Бу ҳақда институт сайтида хабар берилган. 

Маълум қилинишича, 2017 йилнинг 2 июнь куни Ўзбекистон Республикаси Вазирлар Маҳкамасининг қарори билан Тошкент врачлар малакасини ошириш институти ректори лавозимига ушбу вазифани вақтинчалик бажариб турган Ҳабибулло Атауллаевич Акилов тайинланган.

Ҳабибулло Акилов тиббиёт фанлари доктори, профессор саналади.

Эслатиб ўтамиз, ҳозирги кунда ТошВМОИда 50 та кафедрани қамраб олган 5 та факултет фаолият олиб боради: тиббий профилактика ва УАШ тайёрлаш факультети; Терапия факультети; Хирургия факультети; Педиатрия факультети; Клиник ординатура факультети. Институт 1932 йилда ташкил топган.