Хитойнинг Гуанчжоу шаҳридаги CTF Finance Center молия маркази биносида дунёдаги энг тез лифт ишлай бошлади. Ўта тез ҳаракатланувчи лифт япон компанияси томондан яратилган ва юқорига соатига 75,6 км тезлик билан кўтарила олади. Лифт баландлиги 530 метрни ташкил қиладиган молия маркази биносининг томига 25 сонияда кўтарила олади.
Бу астромоник тезлик синов вақтида қайд этилди. Лифт амалиётда қўлланганда бироз секинроқ – 72 км/соат тезлик билан кўтарилади. Бу кўрсаткич ҳам рекорд ҳисобланади. Daily Mail нашрининг маълум қилишича, шу вақтгача дунёдаги энг тез лифт Шанхайда ўрнатилган бўлиб, 69 км/соат тезлик билан ҳааркатланган.
Гуанчжоудаги лифт тушаётганда икки баробар секинроқ ҳаракатланади: у 36 км/соат тезлик билан 1-қаватга бир дақиқада тушади.
