Эрон ҳукумати Қатар ва Форс кўрфази давлатларини мулоқот ўрнатишга чақирди. Бу ҳақда AFP агентлиги хабар тарқатди.
Айни вақтда келиб Саудия Арабистони, БАА, Баҳрайн, Миср, Ливия, Яман ва Мальдив Қатар билан дипломатик муносабатларни узган. Бу давлатлар расмий Доҳани терроризм билан ҳамкорлик қилишда ҳамда Эронни қўллаб-қувватлашда айблаган.
Қатар Ташқи ишлар вазирлиги бу қарорни «асосланмаган фикрларга таянган ҳамда тўғри бўлмаган чора», деб баҳолади.
