Германияда 3 ой ичида мусулмонларга 208 маротаба ҳужум қилинди

2017 йилнинг биринчи чорагида Германияда мусулмонларга 208 маротаба ҳужум қилинди, деб ёзмоқда Neue Osnabürcker Zeitung газетаси.

Нашр маълумотларига кўра, аксарият ҳужумлар ўнг радикаллар томонидан миллий ва диний адоват сабабли амалга оширилмоқда.

Германияда уч ой давомида ультра ўнглар туфайли икки мусулмон жароҳатланган.

Худди шу вақт давомида мамлакатдаги масжидларга 15 та ҳужум қайд этилган.

Германияда 2017 йилнинг биринчи чораги давомида исломга қарши қаратилган норозилик акциялари сони 32 тани ташкил этди.