Андижондаги оилавий поликлиникаларга тез тиббий ёрдам машиналари топширилди

 Бугун, 7 июнь куни Андижон вилояти ҳудудларида фаолият юритувчи оилавий поликлиникаларга 25 та тез тиббий ёрдам машиналари топширилди. Бу ҳақида Kun.uz'нинг Андижондаги мухбири Элмурод Эрматов хабар берди. 

  Айни пайтда Андижон шаҳрида 8 та, туманларда эса 67 та қишлоқ оилавий поликлиникалари фаолият юритиб келмоқда. Қишлоқ жойларда иш олиб борувчи тиббиёт муассасаларга автомашиналар берилиши аҳолига кўрсатиладиган тез тиббий ёрдам  сифатини такомиллаштиришга хизмат қилади.

 Тадбирда вилоят ҳокими Шуҳратбек Абдураҳмонов иштирок этиб, бирламчи тиббиёт муассасалари, оилавий поликлиникалар, патронаж хизмати, тез тиббий ёрдам тизимининг фаолиятини такомиллаштиришга доир тавсияларини берди.