Венгрия бош вазири Брюсселни террорчиларни қўллаб-қувватлашда айблади

Венгрия бош вазири Виктор Орбан Брюсселни террорчиларга шериклик қилишда айблади. Бу ҳақда Болгариянинг БГНЕС агентлиги хабар берган.

«Бизнинг ҳукумат Европа позициясини ҳимоя қилади. Биз Европа келишувини ҳимоя қилмоқдамиз, жумладан, ЕИга аъзо давлатлар ва Брюссель ўртасида жавобгарликни тақсимлашни ҳам. Венгрия эмас, Брюссель ўз позициясини ўзгартирди», - дея маълум қилди Орбан Венгрия парламентида чиқиш қилиб.

Агентлик маълумотига кўра, Орбан Брюсселни «террорчилар томонидан туришда» очиқдан очиқ айблаган ҳамда бундай позиция умуман тушунарсиз эканини таъкидлаб ўтган.

Шунингдек, Венгрия бош вазири «молиявий чайқовчи» Жорж Сорос Европага нима қилиш кераклигини кўрсатаётгани, европалик етакчилар эса унга таъзим қилаётганларини тушунмаслиги ҳам қайд этди.

Аввалроқ Венгрия ҳукуматидагилар ЕИ мамлакатга қарши санкциялар киритиш ниятида эканини маълум қилишганди. Бу ушбу давлатда америкалик миллиардер Жорж Сороснинг университетини ёпишга бўлган ҳаракатлар туфайли юз бериши мумкин.