Тожикистонда бугун ва олдиндаги уч кун давомида жуда иссиқ ҳарорат кузатилади. Синоптикларнинг маълумотларига кўра, ҳаво ҳарорати одатий меъёрдан юқори бўлади.
Хатлон вилояти водийларида ҳаво ҳарорати 45 даражагача кўтарилади. Сўғд вилояти водийлари ва пойтахт Душанбеда эса 42 даража иссиқ бўлиши кутилмоқда.
Бундай жазирамада қандай йўл тутиш керак ва қуёш ёки иссиқлик уришидан жабрланган инсонга қандай ёрдам кўрсатиш мумкинлиги қуйидаги инфографикада кўрсатиб берилган.
Гидрометеорология агентлиги ҳарорат ошиши муносабати билан республика дарёларида сув сатҳи кўтарилишидан огоҳлантирди.
Баъзи тоғли ҳудудларда эса сел оқимлари эҳтимоли мавжуд.
