Фото: Reuters
Саудия Арабистони Туркияга қиролликда ҳарбий базаларни қуришга рухсат бермайди. Бу ҳақда SPA агентлиги расмий манбага асосан хабар тарқатган.
Туркия президенти Ражаб Тоййиб Эрдўған пайшанба куни Португалия ТВга берган интервьюсида Саудия Арабистонида Туркия ҳарбий базаси пайдо бўлиши эҳтимолини қирол Салмон билан муҳокама қилгани ҳақида маълум қилди. Унинг сўзларига кўра, қирол таклифни кўриб чиқишга рози бўлган.
"Манбанинг тасдиқлашича, Саудия Арабистони қироллиги Туркияга ўз ҳудудида ҳарбий базалар ташкил этишига имкон бермайди... Қиролликда бунга эҳтиёж йўқ", - дейилади хабарда.
