Дани Алвес: Дибала «Ювентус»дан кетишига тўғри келади

«Ювентус» ҳимоячиси Дани Алвес жамоадоши, аргентиналик ҳужумчи Пауло Дибала келгусида янги босқичга чиқиш учун жамоадан кетиши кераклиги тўғрисида гапирди.

«Биз Дибала билан гаплашиб турамиз, мен унга агар ривожланишни истаса, қачондир „Ювентус“дан кетиши кераклиги тўғрисида айтаман. Пауло — қимматбаҳо тошга ўхшайди, у сайқалланиб, янада жилодор бўлиши мумкин. Биз у билан бу мавзуни кўп муҳокама этамиз. Аммо мен у қачон кетиши кераклиги ҳақида бир гап айта олмайман», — деган Алвес Esporte Interativo телеканали учун берган интервьюсида.

Манба: Tribuna.uz