Макрон ҳаракати Франция Миллий йиғилишида мутлақ кўпчилик ўрин олди

Фото: REUTERS / Christophe Archambault

Францияда 577 та сайлов округидан 553 тасида мамлакат парламенти қуйи палатаси – Миллий йиғилишга сайловларга якун ясалди. Округлардан 293 тасида ғалабани Франция президенти Эммануэль Макроннинг "Олға, республика" ҳаракати вакиллари қўлга киритишди ва шу тариқа қуйи палатада мутлақ кўпчилик ўрин олишди. Бунга эса 289 мандат зарур эди.

Яна 40 та мандат MoDem ("Демократик ҳаракат") партияси номзодларига насиб қилди.

"Республикачилар" партияси 110 та мандат, Социалистик партия 28 та, "Демократлар ва мустақиллар иттифоқи" 17 та, "Забт этилмаган Франция" 16 та, Франция коммунистик партияси 10 та ва Марин Ле Пеннинг "Миллий фронт"и 8 та мандат олган.