Россия президенти Владимир Путин АҚШ, Европа Иттифоқи ва қатор бошқа давлатларга нисбатан жорий қилинган махсус хавфсизлик чоралари муддатини узайтирди. Бу ҳақида "Лента.ру" нашри хабар берди.
Манбага кўра, чекловлар 2018 йилнинг 31 декабрига қадар амалда ҳисобланади. Ҳужжат имзоланган кунидан бошлаб кучга киради.
Фармонда Россия ҳукуматига уни амалга оширишга доир зарур чоралар кўрилишини таъминлаш ва зарурат туғилган тақдирда санкциялар муддатини ўзгартириш таклифини киритиш вазифаси топширилди.
