iPhone фойдаланувчилари ва таҳлилчилари "олма" гаджетларининг турли моделларини турли параметрларга кўра синаб кўришади. SquareTrade суғурта компанияси таҳлилчилари биринчи iPhone ва iPhone 7 қурилмаларини ўзаро таққолашди. "Газета Daily" шу ҳақида маълум қилди.
Экспертлар икки моделни ҳам сувга солиб, асфальтга ташлаб, синаб кўришди. Кутилагиндек, iPhone'нинг энг биринчи қурилмаси сувга чидамлилик тестидан ўта олмади, зеро у ишлаб чиқарилган пайтлар IP67 стандарти бўлмаган. Сув ва чангдан ҳимояланган iPhone 7 эса ишчи функцияларини тўлиқ сақлаб қолган.
Афсуски, асфальтга ташлаш синовидан икки смартфон ҳам ўта олмади. Иккисига ҳам зиён етди, чунки iPhone'нинг шиша экранлари жуда нозик бўлади.