Samsung Galaxy Note 7 фаблетининг «FE» қўшимчали қайта ишланган версияси ишлаб чиқарувчи томонидан расман намойиш этилди ва сотувга чиқаришга тайёрланмоқда. Hi-Tech шу ҳақидаги хабари билан бўлишди.
Нима ўзгарди?
Қайта ишланган қурилманинг асосий тафовутларидан бири - унинг батареяси. Кутилмаган портлашлар сабаби ҳам айнан шу батарея бўлган, шу туфайли Samsung фаблетнинг биринчи версиясини бозордан қайтиб олишга мажбур бўлган. Янги Fan Edition батареяси 3200 мАс сиғимли бўлиб, аввалгисидан (3500 мАс) 8,5 фоизга камроқ. Шуниси диққатга сазоворки, ҳар бир қурилмадаги батарея саккиз босқичли хавфсизлик текширувидан ўтган - шу тариқа ишлаб чиқарувчи янгиланган Note 7 сифатига кафолат бермоқда.
Нима ўзгармади?
Galaxy Note 7 (FE) 5,7 дюймли Super AMOLED дисплейи (1440x2560) билан таъминланган. Қурилма тўрт ядроли процессорли Snapdragon 821 чипсети, шунингдек Adreno 530 график процессор ва 4 Гб/64 Гб хотирага эга. Бармоқ излари сканери сетчатка каби олд панелда жойлашган, қурилма IP68 стандарти бўйича сувдан ҳимояланган. Шунингдек фаблет стилус билан бирга тақдим этилган.
Galaxy Note 7 FE флагмани Bixby овозли ассистентига эга, лекин унга алоҳида тугма белгиланмаган.
Чиқиш санаси ва нарх
Samsung Galaxy Note 7 Fan Edition (FE) расман 7 июлдан сотувга чиқади. Нархи - тахминан 610 доллар. Компания 400 минг фаблет ишлаб чиқаришни режалаштирган, зеро кузда компаниянинг янги қурилмаси Samsung Galaxy Note 8 намойиш этилади. Смартфон қора, кўк, тилларанг ва кумушранг вариантларда тақдим этилади.
