Қўшимча функционаллар
-
Тунги кўриниш
«Милан» тўхтамаяпти: яна бир ҳужумчи нишонга олинди
Фото: eurosport
«Милан» «Боруссия» ҳужумчиси Пьер-Эмерик Обамеянгга қизиқиш билдирмоқда. Бу ҳақда Sky Sport Italia журналисти Жанлука Ди Марцио хабар берган.
«Россонери» дортмундликлар раҳбарияти ва 28 ёшли футболчи талаб қилаётган маблағни ҳаддан ташқари юқори деб ҳисобламоқда. Шу боис, «Милан» трансфер нархи ва футболчи талаб қилаётган маошни камайтиришга ҳаракат қилиб кўради.
Аввалроқ Обамеянг фаолиятини Хитой чемпионатида давом эттириши, унга «Тяньцзинь Цюаньцзянь» клуби қизиқаётгани ҳақида хабарлар тарқалганди.
Обамеянгнинг «Боруссия» билан шартномаси 2020 йилга қадар тузилган. Габонлик футболчи якунланган мавсумда 31та гол уриб, Германия чемпионатининг энг яхши тўпурарига айланганди.
Қайд этиш керакки, янги хўжайинлар қўлига ўтган «Милан» шу вақтгача 6 трансферни расмийлаштирганди: «Вильярреал»дан ҳимоячи Марио Мусаккио, «Аталанта»дан таянч ярим ҳимоячиси Фрэнк Кэссие, «Вольфсбург»дан ҳимоячи Рикардо Родригес, «Порту»дан ҳужумчи Андре Силва, «Сандерленд»дан ҳужумчи Фабио Борини ва «Байер»дан Ҳоқон Чалхонўғли сотиб олинганди.
Мавзуга оид
19:09 / 20.11.2024
Дунёдаги энг қиммат кўчалар рейтингида етакчи ўзгарди
12:12 / 23.04.2024
Дербида муштлашув ва четлатишлар. Италияда чемпион расман аниқ бўлди
13:01 / 21.01.2024
Италияда можаро, «Арсенал»да 5 та гол. Европада кун ўйинлари
13:23 / 14.12.2023