Россияда ўзбекистонлик фуқаро ҳалок бўлди

Россиянинг Ленинград вилояти Всеволожск туманида ўзбекистонлик меҳнат мигранти бахтсиз ҳодиса туфайли ҳалок бўлди. Бу ҳақда маҳаллий ОАВ хабар тарқатди.

Хабарларга кўра, ҳодиса 14 июль куни соат тахминан 12:30ларда қурилиш майдони ҳудудида рўй берган. У ерда «Лента» янги дўконлар тармоғи қурилмоқда.

Ўзбекистонлик 38 ёшли фуқаро олти метрлик баландликдан қулагандан сўнг ҳаётдан кўз юмган. У МЧЖлардан бирининг ишчиси бўлган.

Ҳодиса юзасидан текширув ўтказилмоқда.