АҚШ президенти Дональд Трамп твиттердаги саҳифасида Россия етакчиси Владимир Путин билан G20 саммитидаги яна бир учрашуви ҳақидаги хабарларга изоҳ берди. ОАВнинг тахминича, бу махфий учрашув бўлган.
«Путин билан махфий кечки овқат ҳақидаги ёлғон хабар – даҳшатли. G20’нинг барча етакчилари ҳамда уларнинг рафиқалари Германия канцлери томонидан таклиф этилган. Матбуот буни биларди!» - дея ёзди у.
Унинг сўзларига кўра, «ОАВ фейк хабарлар билан» тобора ёлғонлар гирдобига тушиб қолаётган экан.
«Германияда 20 нафар етакчи учун ташкил этилган кечки овқат ҳам даҳшатли кўриниб кетмоқда!» - дея қайд этган Трамп.
Аввалроқ ОАВ Путин ва Трамп G20’да «махфий» учрашув ўтказишганини хабар берди. Кейинчалик Оқ уй бу учрашув қисқа суҳбатдан иборат бўлганини маълум қилди.
