Афғонистон бош вазири ўринбосарининг уйи ёнида кучли портлаш юз берди

Афғонистон пойтахти Кобул шаҳрининг туманларидан бирида автомобилда ҳаракатланган худкуш террорчи ўзини ўзи портлатди. Бу ҳақда Reuters хабар бермоқда.

Полициянинг сўзларига кўра, ҳодиса натижасида кўплаб инсонлар ҳалок бўлган бўлиши мумкин.

Ўз навбатида TOLONews телеканалининг твиттерда хабар беришича, портлаш Афғонистон бош вазирининг иккинчи ўринбосари Муҳаммад Муҳақиқнинг уйига яқин ерда рўй берган.

Аввалроқ “Толибон” етакчисининг ўғли ҳарбийларга ҳужум чоғида ўзини ўзи портлатгани хабар берилганди.