ОАВ: Эрон ва Шимолий Корея янги ракеталар учиришга тайёрланмоқда

фото:AFP 2017 / Jung Yeon Je

Эрон ва Шимолий Корея янги ракеталар учирмоқчи, деб номлари айтилмаган америкалик амалдорларга иқтибос келтирган ҳолда Fox News телеканали хабар берди.

Телеканал маълумотларига кўра, Эрон орбитага сунъий йўлдошга эга Simorgh ракета-ташувчисини учирмоқчи. Амалдорнинг айтишича, Эроннинг орбитага сунъий йўлдош олиб чиқиш бўйича аввалги уриниши 2016 йил апрелда амалга оширилган, бироқ муваффақиятсиз тугаган.

Амалдорнинг таъкидлашича, АҚШ разведка хизматлари Теҳрондан 140 км узоқликда жойлашган Семнан космодроми ортидан кузатув олиб бормоқдалар. Маълум қилинишича, "старт майдонида ракетанинг биринчи ва иккинчи поғоналари ўрнатилган" ва ракета исталган вақтда учирилиши мумкин.

Телеканалнинг маълум қилишича, Шимолий Корея 1953 йилда Корея уруши якунлангани ва ярашув битими имзоланганининг 64 йиллиги муносабати билан 27 июлда қитъалараро баллистик ракета учириши кутилмоқда. Амалдорларнинг маълумотларига кўра, старт майдончаси жойлашган Кусон шаҳрига ракетани учириш учун зарур бўлган қурилмалар етказилаётгани пайқалган.