Украина самолёти Африкада ҳалокатга учради

Украинанинг CAVOK Air авиакомпаниясига тегишли Ан-74 юк самолёти Африканинг Сан-Томе оролидан ҳавога кўтарилишда қулаб тушган. Бу ҳақда Украина инфратузилмалари вазири ўринбосари Юрий Лавренюк Facebook саҳифасида хабар қилди.

«Дастлабки маълумотларга кўра, фалокатга учиш чоғида қушлар тўдасининг самолёт ўнг двигателига урилиши сабаб бўлган», — деб ёзган мулозим. 

Унинг аниқлик киритишича, барча экипаж аъзолари тирик, аммо жароҳатлар олишган.