Саудия Арабистонидаги роумингга Beeline 95 фоизгача чегирма бермоқда

Beeline алоқа оператори Ҳаж зиёрати вақтида Саудия Арабистонида бўлган компания абонентлари учун махсус роуминг-тарифларни жорий қилмоқда. Маҳаллий роуминг-ҳамкорлар билан келишув ёрдамида Beeline мижозлари ўз рақамларида арзонлаштирилган нархлар бўйича алоқада қолишлари мумкин. 

Чегирмалар Zain SA (Mobile Telecommunication Company Saudi Arabia) ва STC (Saudi Telecom Company) операторлари тармоғида 2017 йилнинг 1 август кунидан 15 октябр кунига қадар қуйидаги йўналишлар бўйича амал қилади: 

•  Интернет (аввалги нарх — $19.66, янги нарх — $1.00)  
•  SMS (аввалги нарх — $0.60, янги нарх — $0.10)  
•  Кириш қўнғироқлари (аввалги нарх — $2.40, янги нарх — $1.00)  
•  Саудия Арабистони бўйлаб маҳаллий чиқиш қўнғироқлари (аввалги нарх — $1.80, янги нарх — $1.00)  
•  Ўзбекистонга чиқиш қўнғироқлари (аввалги нарх — $3.60, янги нарх — $0.10)  

Қуйидаги операторлар абонентларнинг телефон экранларида «Zain SA», «42004», «KSA04» ёки «STC», «42001», «KSA01» ёки «ALjawal»  сифатида кўринишга эга бўлиши мумкин.