Оқ уйнинг разведка бўйича директори ўз лавозимини тарк этди

Фото: AP

Оқ уйнинг разведка бўйича миллий хавфсизлик Кенгаши директори Эзра Коэн-Ватник ўз лавозимини тарк этди, дейилади Оқ уй баёнотида.

"Генерал Макмастер миллий хавфсизлик Кенгашининг Коэн-Ватник бошчилигида амалга оширган ишларини қадрлайди. Унинг (Макмастер) фикрича, ҳозирги пайтда ишни давом эттириш учун бошқа номзод керак", - дейилади баёнотда.

Март ойининг ўрталарида АҚШ президенти Дональд Трамп миллий хавфсизлик бўйича маслаҳатчиси Герберт Макмастерга Оқ уйнинг разведка бўйича миллий хавфсизлик Кенгаши директори Эзра Коэн-Ватникни ишдан бўшатишга рухсат бермагани хабар қилинганди.

Маълумки, Макмастер Майкл Флиннинг истеъфосидан сўнг миллий хавфсизлик бўйича маслаҳатчига айланди ҳамда Трампдан ўз жамоасини шакллантириш учун тўла эркинликни ололмади. Коэн-Ватник эса Флиннга яқин шахс ҳисобланади, у махсус хизматларни танқид қилишдан қўрқмаган.

Тайёрлаган: Отабек Матназаров

#АҚШ #Оқ уй #разведка