Америкалик сенатор Жон Маккейннинг маълум қилишича, АҚШ президенти Дональд Трамп агарда ҳаракат қилишга тайёр бўлмаса, Шимолий Кореяга таҳдид қилмагани маъқул. Бу ҳақда KTAR радиостанцияси хабар берди.
Унинг сўзларига кўра, «нимани маълум қилаётган бўлсанг, ўшани қила олишга ишончинг комил бўлиши керак».
«Мен кўрган буюк етакчилар, агарда ҳаракат қилишга тайёр бўлишмаса, таҳдид қилмайдилар, ҳамда мен президент Трамп ҳаракат қилишга тайёр, деб ўйламайман», - деган Маккейн.
Шунингдек, унинг маълум қилишича, Трампнинг КХДРга таҳдиди «жиддий» бўлгани борасида аниқ бир фикрга эга эмас.
Шу билан бирга, Маккейннинг ҳисоблашича, КХДР етакчиси Ким Чен Ин урушга тайёр эмас.
«Менинг ўйлашимча, Пхеньяндаги етакчи тентак, бироқ у чегарани кесиб ўтишга тайёр эмас», - деган сенатор.
Аввалроқ Трамп КХДРга босим ўтказишни қўллаб-қувватлаган мамлакатларга миннатдорчилик билдирганди.
