Филиппинда кучли зилзила юз берди

Филиппиннинг Лусон ороли яқинида 6,6 магнитудали зилзила юз берди, деб хабар қилмоқда Reuters.

Таъкидланишича, ер ости силкинишлари мамлакат пойтахти Манилада ҳам сезилган, шаҳардаги офислар ҳамда мактабларда эвакуация ишлари олиб борилди.

АҚШ Геология хизматининг хабар беришича, зилзила кучи 6,2 магнитудани ташкил қилган. У Тошкент вақти билан соат 8:28да юз берган.

Ер силкиниши ўчоғи 168 километрлик ер тубида жойлашгани айтилмоқда. Эҳтимолий қурбонлар ва вайронагарчиликлар ҳақида хабар ҳозирча йўқ.

Аввалроқ Хитойдаги зилзила оқибатида ҳалок бўлганлар сони ошаётгани маълум қилинганди.