Сурия армияси ИШИДнинг Ҳомс вилоятидаги энг йирик таянч нуқтасини озод қилди

Фото: EPA

Сурия ҳукумати ва иттифоқ кучлари қўшинлари ИШИДнинг Ҳомс вилоятидаги энг йирик таянчи нуқтаси бўлган Ас-Сухна шаҳрини бутунлай озод қилишди.

«Сурия армияси ИШИДнинг Ҳомс вилоятидаги энг сўнгги таянч нуқталаридан бири бўлган Ас-Сухна шаҳрини тўла озод қилди. Ҳозирда шаҳар портловчи қурилма ва миналарга текширилмоқда, уларни ИШИД жангарилари ўрнатиб кетган», - дея вазият билан таниш манбанинг сўзларини келтиради РИА Новости.

Таъкидланишича, ҳужумдан бир неча кун аввал шаҳар Сурия армияси томонидан ўраб олинган.

Аввалроқ Сурия армияси Иордания билан чегаранинг бир қисмини ўзига қайтаргани хабар қилинганди.