Канадада 4 мингга яқин киши ирқчиликка қарши намойишга чиқди

Канаданинг Ванкувер шаҳрида ирқчиликка қарши намойиш бўлиб ўтди. CBC телеканалининг хабар беришича, шаҳар кенгаши биноси олдида ўтган акцияда 4 мингга яқин киши иштирок этган.

ОАВ маълумотларига кўра, акция давомида намойишчилар ва уларнинг рақиблари ўртасида кенг кўламли зиддиятлар кузатилмаган. Вазият мураккаблаша бошлаганда полиция аралашиб, оломондан бир неча кишини олиб чиққан. 

Манбага кўра, намойиш қатнашчиларининг қўлларида  "Меҳр-муҳаббат билан яшанг" ва "Хилма-хиллик - куч" каби  ёзувлар туширилган плакатлар бўлган.