Фото: report.az
Сеулда Жанубий Кореянинг собиқ президенти, коррупцияда айбланиб ўз лавозимидан четлатилган Пак Кин Хени қўллаб-қувватловчи марш ўтказилди. Ушбу маршда унинг минглаб тарафдорлари иштирок этдилар, деб хабар бермоқда Associated Press ахборот агентлиги.
ОАВ маълумотларига кўра, намойишчилар ўзлари билан Пак Кин Хени озод қилиш талаб қилинган плакатлар ва мамлакат байроқларини олиб ўтганлар. Улар шунингдек май ойида президент этиб сайланган Мун Чже Инни истеъфога жўнатишни талаб қилишган.
Баъзи маълумотларга кўра, акцияда 8 мингга яқин одам иштирок этган.
Пак Кин Хе коррупцияда айбланиб, жорий йилнинг март ойида ҳибсга олинганди. Тергов ишлари ҳанузгача давом этмоқда. Ушбу иш бўйича ҳукм октябрда чиқарилади.
