Фото: iStockPhoto
Мексика қирғоқларида 8 магнитудали жуда кучли зилзила юз берди. Бу ҳақда АҚШ Геология хизмати сайтида хабар қилинган.
Ер силкиниши маркази Пихихьяпан шаҳридан 96 километр жануби-шарқда бўлган. Зилзила ўчоғи 35 километрлик ер тубида жойлашгани айтилмоқда.
Қурбонлар ёки вайронагарчиликлар ҳақида маълумотлар йўқ.
Кучли зилзиладан сўнг цунами хавфи эълон қилинди. Бу ҳақда цунамилар ҳақида огоҳлантириш Тинч океани маркази сайтида хабар берилган.
«Кенг, хавфли тўлқинлар юзага келиши мумкин, цунами хавфи бор», - дейилади хабарда.
