12 сентябрда Нью-Йоркда БМТ Бош ассамблеясининг 72-сессияси очилади

12 сентябрда Нью-Йоркда БМТ Бош ассамблеясининг 72-сессияси очилади. Биринчи йиғилиш маҳаллий вақт билан соат 15:00да (Тошкент вақти билан 13 сентябрь соат 00:00) бўлиб ўтади.

Йиғилганлар олдида 72-сессиянинг раиси, Словакия ташқи ишлар вазири Мирослав Лайчак қутлов нутқи билан чиқиш қилади. Анъанавий равишда “дуолар ва фикрлар учун” бир дақиқалик сукут сақланади. Бундан ташқари, мамлакатлар делегациялари аккредитацияси билан шуғулланувчи тузилма – ваколатларни текшириш қўмитаси аъзоларини тайинлаш жараёни бўлиб ўтади.   

11 сентябрда БМТда Бош ассамблея 71-сессиясининг ёпилиши маросими бўлиб ўтди. БМТ бош котиби Антониу Гутерриш сермаҳсул иш учун делегацияларга миннатдорлик билдирган.