GFXBench таниқли бенчмарк маълумотлар базасида ҳали эълон қилинмаган Sony H4233 смартфонининг синов натижалари пайдо бўлди. Янги қурилма компаниянинг Sony Xperia XZ1 ва XZ1 Compact'дан кейинги учинчи смартфони бўлиб, у янги Android 8.0 Oreo операцион тизимига эга бўлади.
Тақдим этилган маълумотларга кўра, қурилма ўртача нарх тоифасига киради. Янги смартфон 6 дюймли Full HD-экрани, Adreno 508 графикага эга 8 ядроли Snapdragon 630 процессори ва 2,2 ГГц частота билан таъминланади.
Бошқа хусусиятлари орасида шунингдек 4 Гб оператив ва 64 Гб флэш-хотира ажралиб туради. Қурилманинг асосий камераси 21 мегапиксель модулли бир камера билан жиҳозланади ва 4К-видеога олишга қодир. Фронтал камера 16 мегапикселли датчик билан таъминланган.
Смартфоннинг тақдимот санаси ва нархи ҳақида ҳозирча ҳеч қандай маълумот йўқ.
